Last night, we went to have dinner with relatives and this is one of the conversations with my beautiful cousin Alexandra who is getting married in March 08.

Y: So where are you two moving after married?

A: We are moving to somewhere Carlton and Allawah

Y: An apartment?

A: yeah

Y: So you buy it, or rent it?

A: We are going to buy it, it's still building but we put our order in already.

Y: Have you make sure their quality is OK?

A: Yeah, we have a look with their show room and the building company is own by Egytian, not Chinese.

Y: ................ umm.......... so why Egyptian builders are better than Chiense?

A: umm....... well......... you know....

Y: Anyway, I agree with you. The difference is the Egyptians built the Pyramid and the Chinese built the Great Wall, so I think you are right.

忙到嘔電﹐三個客同時間光顧。睇怕返到香港都係要做。

獲利回吐金多寶又接受投注喇。大家買定離手。

排球決賽

排球決賽﹐2 比 3 - 輸了

原因﹖

企位唔好﹐基本技術唔好﹐第一傳差﹐唔夠穩定

進攻模式單調﹐被對放睇穿。

唔夠人高﹐網前輸蝕。

唔夠後備﹐女仔一個後備都無﹐體力不繼﹐調動不恰當。

對方大把後備﹐不斷車輪我哋。

間竭性食屎﹐仲有唔好彩。

賽後檢討係咁意就講左一大渣輸波原因﹐就係唔肯認對方都好勁。

其實咁多不利因素都係輸二比三﹐我哋都好勁。

回顧初初我哋一班雜牌關膽粗粗參加比賽﹐一心諗住唔比人炒都已經好好。

有D人毫無經驗﹐唔知大鎚係乜﹐只知雞鎚係乜。做唔都setter, 但係就識玩 Settlers。有D人打親波都遊魂﹐個波飛左過黎都唔知。到而家都叫做打到D位置﹐集中力仲超強添。

隊友們好多一開始都唔認識﹐但在比賽其間一起練習﹐互相鼓勵﹐向共同目標進發。彼此間建立了 teamwork 和友誼。還有很多開心的時光。

主辦單位表示今年比賽水準是近年來最高﹐我們球隊亦是 a good team to watch。初次參賽就能打入決賽亦令人鼓舞。

輸了名次﹐贏得經歷﹐賺賞﹐友誼﹐歡樂。何常不是一件美事。

要是贏了比賽﹐我們可能會驕傲﹐下個 season 可能仲唔好玩添。

用心想想﹐贏了的﹐可能是我們。

後記

亞洲女首富龔如心﹐和家公打了近十年的官司後唔夠一年因癌證去世。人﹐離開了﹐財富﹐卻帶不走。官司是贏了﹐但到最後﹐誰又是真正的贏家﹖

是非勝敗轉頭空﹐青山依舊在﹐幾度夕陽紅。

往往我們都很在意某事的成敗﹐無論是比賽﹐事業﹐金錢﹐財富﹐感情﹐名聲。但如果可以細心想一想﹐會否有一些東西會比這些更重要﹐更有永恆的價值﹖

人若賺得全世界﹐賠上自己的生命﹐有甚麼益處呢。人還能拿甚麼換生命呢。- 馬太福音 16:26

上次寫 blog 原來係我哋第一場排球 o既 match report。

尋晚晚打左 semi final﹐ 真係刺激過坐過山車。

我哋o既對手係排名第一又係不敗o既隊伍。當然係 knock out match 我哋就話之你啦。

第一局大家發揮正常﹐Leo 連番扣殺得手。令對手風聲鶴淚。不知不覺間已拋離對手。

o係大家努力下﹐贏左第一局。

第二局唔知做乜﹐大家發揮唔正常﹐Leo連番扣殺失敗。我哋o既支柱 Andrew 同 Siuman 都有不尋常o既犯錯。而我就發揮正常﹐繼續打失D 波。被對手一口氣拿到 16 分。 o係一D打慣波o既人黎講﹐呢個現象我哋稱為[食左屎]。卒之我哋作出調動﹐換出發揮正常o既我﹐換入阿龜。

龜o既特性係好淡定﹐o係所有人都好緊張時都好定。但係佢好淡定時都會打失﹐行動亦比較緩慢。最後我哋都淡定過黎﹐但係都為時以晚﹐以大比數輸掉第二局。

決勝局﹐球隊決定換番我入黎。當大家以為我哋氣數而盡﹐Leo唔知點解又番生。連番扣殺得手。令對手又再風聲鶴淚。嘉嘉同Alison又越戰越勇﹐屢救險球。我就發揮唔正常﹐無乜打失。但對手亦進入狀態﹐士氣如紅。大家爭持激列﹐到中段我方繼續施加壓力令對方失手。最後我哋以四分之差險勝對手﹐進入總決賽。

Man of the Match: Leo

佢o既扣殺係比賽o既關鍵。第二局食屎後第三局回復正常﹐製造好多刺激之餘亦帶領球隊穫勝。

Moment of the Math: Andrew Choi 大力擊打地面泄憤

事後當時人拳頭腫了。一個回應: 抵死

是日金句﹕

賽後檢討時.... 有關第三局開始前的心情

Andrew: 我從來都唔覺得我哋會輸

Siuman: 我知道如果我哋打慢D﹐我哋就會贏

Leo: 我覺得只要我殺到波我哋就會贏

York: 我相信如果個波唔飛去我果度﹐我哋就會贏

下星期四﹐GRAND FINAL

我哋教會幾條友無啦啦就咁 join 左個 NSW o既排球比賽。

成班什牌軍練都未練個波就打左第一場。打之前都無乜其望﹐唔好比人大炒都算係咁。

熱身時見到敵方平均高我哋成個頭﹐仲有個女將睇落好似俄羅斯果D乜乜高娃咁樣﹐已經心知不妙。呢個賽制係要場內至小有兩個女仔﹐但係連個女仔都高過晒我哋﹐我再望望身邊o既表妹嘉嘉﹐你話係唔係好得人驚。

到練殺波時人哋就殺到bangbang聲。我哋大部份人跳極都矮過個網﹐唔好話殺﹐打到個波過去已經好叻。感覺有D似小學生對大人。

開波前Siuman講左D我只明一半o既戰術﹐咁我哋就咁開波喇。估唔到我哋o既重心球員個個發揮上佳﹐其他人都擋到兩野。我哋仲有好幾球o既美妙扣殺﹐再加上敵方又有D失誤。我哋第一盤都係輸三分詐。

第二盤 Siuman 調走我﹐我方身高上冇咁輸蝕。仲有 Leo 同 Siuman 下下開波追住人哋個肥妹﹐連續得分。o係大家努力不懈﹐滿場奔走下﹐我哋贏左第二盤﹐真係估都估唔到。諗住第三盤乘勝追擊﹐點知裁判宣報因為時間限制﹐我哋打和。我都係今日先知排球係可以打和。不過點都好﹐我哋而家係不敗之師。

我哋個個都打得好過癮﹐希望可以進步。

Play of the Day: 矮個我o既 Andrew 攔網成功﹐全場人呆左。

另類 Play of the Day: 

Siuman: 我哋要打好D位﹐York 你打大鎚

York: 哦﹐但係大鎚係乜黎架?  (雞鎚我就知)

Siuman:  (沉默三秒) 總知一開波就你就走去左手面啦。

York: 呢個我明﹐冇問題。

是日金句:

             Siuman: 大家有冇留意對方走位﹐打法咁呀﹖

             Winnie: 果個高妹好鬼寸﹐我哋哎o既時候佢仲笑我哋。不過佢身材幾好。

             嘉嘉: 唔係呀華﹐佢平胸個 wor。